起床前, 發了一個怪夢. 遇上一位異性, 她的容貌我記不起了, 但跟她應該不認識的. 她跟我說, 這生未能在一起, 唯有下世再陪伴我. 而鏡頭一轉, 再遇上一位 "高人". 我亦記不起跟他說了甚麼, 不過令我印像深刻的, 就是他因我的話而作的責備. 他說: "你這番話, 表示你還未能放下她, 仍不甘心這一世她比你早走, 不能跟你一起....." 就這個夢, 心中想了又想: 晞, 沒事吧?

晚上回到家, 本想趕緊完成南哥的事宜, 但電話突然響起, 一個 久違了的 沒來電顯示的 熟悉又陌生的 來電到來. 有了昨晚的怪夢, 著實把我嚇倒了. 有著心理準備, 跟 "她" 談了起來.

妹妹告知了各人的消息, 而 "可以跟我說" 晞的身體健康正常. 當然, 我未有親耳聽到她的聲音, 未能確定, 但已叫我放下心頭大石. 那個夢可能只是日有所思. (其他, 不多說了)

中秋節, (遲來的) 祝大家人月兩團圓, 身體健康.





請支持無國界醫生.........

上星期三四 (2, 3 Sep 2009) 開始作病, 鼻水不停咁流. 雖然星期五鼻水停了, 但係不停咁咳. 放工時更開始發燒. 睇左醫生, 本以為普通感冒, 靠兩日藥應該好過黎. 不過星期日 (6 Sep) 惡化左, 咳得更利害. 覆診時先知, 原來未退燒之餘, 溫度更比兩日前高.........

醫生見我喉嚨發炎, 所以幫我打消炎針, 希望我既高燒會因此減退. 若果燒退唔到, 就要轉介去政府診所, 睇流感專科 (怕我所染既係 H1N1). 打左針, 食左藥, 即刻休息. 雖然暈過, 出過冷汗, 甚至訓足 24 小時, 但星期一起身仍然有 100 度體溫, 燒仍然退唔到. 唯有去政府診所一次.

一小時過去, 終於係診所出返黎. 流感診所裡面, 防疫工作做得好足. 更令我深刻, 就係遇上 "譚醫生". 呢位女醫生, 由佢眼睛同聲音, 年紀應該同我差唔多. 而且佢 (我相信) 好溫柔. 最可惜係全程帶上口罩 (冇辦法.......) (不過, 點解D "靚女" 醫生都係姓譚???)

好彩染既只係普通流感, 星期二已經退燒, 星期三我就返左工喇. 不過到今日仍然有幾聲咳. 希望快D 好返曬.